WHY I HATE GOING TO THE DOCTOR...

Nakakainis na nga yung fact na may sakit ka at madaming nagpapahirap sa katawan mo.

Mas nakakainis yung kelangan mong pumunta sa doctor para lang magpa-check-up.

Bakit?

Dahil kapag alam mong check-up na lang at titignan ka lang at malamang ay wala nang grabeng makikita o gamot na irereseta, you are JUST WASTING YOUR TIME. Magbabayad ka ng consultation para lang sabihin sa iyo na okay ka na.

Pero hindi pa yun ang pinakanakakabuwisit doon...

Siguro doktor lang ang trabaho na alam kong kumikita ka pa rin even if you ARE NEVER ON TIME at lagi mong pinaghihintay ng syam-syam ang pasyente mo. If you were a storeowner or own a business, it is a huge disservice to your customers kapag late kang magbukas ng tindahan. Pero ang mga doktor na ito, kahit 3-4 hours ma-late sa kanilang mga clinic at minsan ay di pa sumisipot, ang lalaki pa rin ng kinikita. At wala kang choice bilang pasyente dahil kahit lumipat ka ng doktor, ganun pa rin ang mae-experience mo dahil lahat sila ay ganyan!

Kagagaling ko lang sa aking check-up sa aking vascular surgeon sa kanyang clinic sa ospital. Dati ay okay pa sya dahil on time sya. 2 PM ang simula ng clinic hours, 2 PM ay nandun na sya. Pero after the first 2 appointments, lagi na syang late. minsan 30 mins, minsan 1 hour.

Today, inabot na talaga ng sukdulan. 1 hour nya akong pinaghintay tapos tatawag sya sa secretary nya na may emergency daw syang ooperahan at 4pm pa sya darating. Dahil lumabas ako ng bahay, nasunog ang stored calories ko at bumagsak ang aking bloodsugar. Hilo-hilo ako sa labas at napalamon ako sa Mcdo nang di oras. Malaman-laman ko, sa malayong ospital pala sya nago-opera at HINDI NA SYA DADATING. The other patient was irate. Matanda na kelan lang nadiagnose ng kidney failure [like me] at inaayos pa ang kanyang fistula sa braso. Inoffer ng secretary na patignan sya sa resident doctor pero ayaw pumayag ng patient dahil importante yung fistula nya. Oo nga naman!

Alam naman ng doktor na yan na karamihan ng mga pasyente nya ay may kidney failure, pinaghihintay pa nya. Hindi dapat pinaghihintay ang mga katulad namin dahil madali kaming mangawit because of our sickness. Paupuin mo lang kami ng 30 mins ay pagod na kami!

Pero ano nga ba naman ang aasahan naming mga pasyente nya? P500 lang ang kikitain nya kada appointment sa amin samantalang at least P30,000 ang professional fee nya kapag may inoperahan sya. Siguro sa isip-isip nya, saka na lang kami!

Sana may patakaran din ang mga ospital tulad ng mga SM Malls, na kapag bukas na ang mall at sarado pa ang tindahan mo, kada minuto na late ka ay may corresponding na multa.